دموع اليمن

(دمـــوع اليمـــن)

أبداء برباً صمد وامشي بمقدوره =عساء بحسن الخواتم لأقدر مقدور
يا رب سالك عساء الأحوال مستوره =أستر على الحال خل الآدمي مستور
ذا فصل عداء وجو الأرض معكوره = من يوم ظميت عقلي جوها معكور
وأحداث في صفحة التاريخ مذكوره =هذا دموع اليمنتاريخها مذكور
خمسة حوادث بجمهوري وجمهوره =ومن طلع قال بسم الشعب والجمهور
قاموالقحطان صبوها على كوره =هذا بداية مرض مزمن دخل فالكور
لا كي فاده ولا تشخيص دكتوره =ولا مشعوذ ولا كاهن ولا دكتور
وبعده ربيع غلط فإعداد دستوره =وقالواالمنحرف بيعدل الدستور
وهو مناضل وله خطوات مخبوره =وفي الكفاح المسلح عندهم مخبور
وجابوا الحزب له عزه ومقدوره =لكل حزبي يقع ما بيننا مقدور
وصدرقرارات مشؤمه ومنكوره =لاكن ما حد بايقدر ينكر المنكور
وامم الارض ذه بيضا ومهجوره =لقطاع يبغا يشل البور والمهجور
وتحرري يامره والقوش ماموره =يانصف في المجتمع تامر على المامور
تخطيط فتاح ذي قد جاب سبوره =لاتكون امي درس وسبر بلا مسبور
وصفقوا له جميع الناس مجبوره =خلا المواطن يصفق له وهو مجبور
وبعد مانظم المكتب بديكوره =اعطوه ريس في الخارج كما الديكور
وخاب ذ الشور هذا الشورمن شوره =من بعد ما راح كل واحد يباله شور
وزر زروها وقدها دوب مزروره =وعادفتاح زر الحبل ذي مزرور
لما تفجر وهم في راس ماصوره =واصبح يغضف علي ناصر بدون امصور
يوم الثلاثه وعشره دقو النوره =صباح الاثنين واحسبناه يوم النور
واثرشعوب اليمنبالسيف مجزوره =ومكسب الشعب واركان الوطن مجزور
وما بقي جات له عربان مخسوره =وتقاسموها وكلن قال انا مخسور
وتلحق الشعب زماري وزموره =واذا انتهازي وذازمره وذا زمور
وذا يميني وله عادات مشهوره =وذا يساري يخطط من زمن وشهور
كل منطفت نار لاخر شب دافوره =نار الفتن بينهم حمرا كما الدافور
بانت نتائج فشلنا دقت اصفوره =وموازنة عامنا القادم اثنين اصفور
قالوا بنطلع جميع الشعب فالصوره =وتكون وحده وبنحطم جدار الصور
ولبسوها الذهب والفل وزهوره =وقماش وردي وجابولهورد وزهور
واللؤل قد جابه العاني من ابحوره =وحسبتها حوريه تشبه بنات الحور
وشاركوا فالفرح والناس مسروره =وكل مواطن يبيت خاطره مسرور
والصبح بدري ركب في ظهر بابوره =وجاب منقا وبسكت حملت البابور
خلا الكراتين حرف الخط مذروره =يشرب ويزقل قفاه المانجو مذرور
قلنا انتهينا لعد لفه ولا دوره =نحنا تعبنا لعد بنلف ولابندور
إلا وجابوا وثيقت عهد محذوره =ووقعوها وهي تنفيذها محذور
لحظه واصدر قراراته ومنشوره =حالة طواري صدر في الراديو منشور
وتفجر الحرب من صنعاء ألى خوره =الى الخراخير يتبخر بدون ابخور
وتذابحوا والمنشل شل ناظوره =يعطي مسافات لهل القصف بالناظور
ومولا الغنائم نهب حاجات محجوره =قال القيادات شوهم باحوا المحجور
وشل ذي حصله غشه وغمشور =مكشوف بالعين ما سواء لها غمشور
والحزب والرابطه في الحرب مقموره =وفي النهايه طلع شعب اليمن مقمور
وصنفوها عصابة حقد مغروره =يا انفصالي تراجع لا تقع مغرور
قلنا انتهاء الحقد قلنا راح طابوره =لكن عاده كبر وتوسع الطابور
تحيين يادولة الوحده ومشكوره=وقايدش الف من شعب اليمن مشكور
مشكور يومه معه قرشين مصروره =مصروف قومه قده بسويسرا مصرور
مشكور قله على ضعفه وتقصوره =ماشي طفف ضربهم كله يجي تقصور
خلا القرارات في لدراج مهذوره =ودهور الامن ونظام البلد مهذور
والعمله مدهوره اوراق منثوره =وسيبوها وخلوا كلشي منثور
ما با يخلون هذا الكيد والبوره =بالكيد خلوا ريالات البلاد اتبور
هذه بلادي بها هتفه ومعثوره =كل من قبض حكمها لازم يقع معثور
لتجوع الشعب بيقبض بحنجوره =بيخلي الريق ينشب له في الحنجور
لكن ما حاق يوم الرجل معقوره =وعادهم حملوا ظهره وهو معقور
حط الحمول الثقل وشكيت من جوره =كل ما تجورت منه والحمول يجور
من باطل الوقت ياما ناس مقهوره =شد الغلا والمواطن شو قد مقهور
كمن ولد بايجيكم فاقد شعوره =يرجع من السوق لابيته بدون شعور
ذي هو مصاريف بيته من شقا اضفوره =ومصدر الدخل كله من شقا لضفور
لا تحصل القوت ما حصلت تعبوره =ياناس ما باتعبر ذي بلا تعبور
يالله تلطف على شيبان وبزوره =ما بالهم رزق بالحيله ولا بالزور
خله ميسر يجي من غير فاتوره =من عند ذي هو عتومه ما لها فاتور
وختمها بالذي مذكور في السوره =ذي طلعه للسماء ربي بدون اجسور
وان طال عمري مع الزوار بازوره =وكل مؤمن قده واجب عليه ايزور


هذا ودمتم سالمين ..
منقوووووووووووووووووووووووول