مساجله شعريه للسيد وباسرده

باسرده:

أنا رعود الليل ماصدق بها =ماصدق إلا بعد ماشوف السيول
والمخبره عند المفجش في المدر= والضمد مايعمل سواء لا له بتول

السيد:

عادك مكذب والدنايا شاربه =والواد زاحي والخضيره فالذهول
الله يخارجنا من أخباث العمل=ماشي سياسه عندكم ماشي عقول

باسرده:

صاحت عطيه من وجع في راسها =قاموا وكوًها في اقدام الرجول
اش رايكم هذا يقع أومايقع=ياذي عرفتوا كيف ميزان الحمول

السيد:

اماعيطه شلها بن عمها= تدخل وترزح بالحناني والحجول
والناس تعلم بالزواجه حقها =وانتوا حضرتوا علحناني والدخول

باسرده:

منهو عقد وشوه ذي وكل بها = وشوه جاب البن في خمسه جزول
لامارضيًوكلهم هل بتها = شف ذي المسأل عادها إلا باتطول

السيد:

أنا ارحمك يشهد علي رب السماء=يومك من الهيج من أجمال الحمول
ماشي على معتوب لارحبت بك= وانته تفوضل والزمان إلا فضول

باسرده:

ذي كان يرحمني ويطلب صحبتي=قرب كلامك حط مابين الفصول
لاكنها رحمه ولاشي فائده = يدحق محمد وانت راكب عالذلول

السيد:

أحنا شقينا والشقاء ماهو عتب= واحنا قنصنا الموفيه روس الحذول
وانتوا في الشعبه قنصتوا سعفنا= حدمننا سند وحد ديًع نزول

باسرده :

دارف درف والطبل ماهوشي سوى= ماناسب الدارف مع اصحاب الطبول
حوًل وقالواسيل من غر !!!!(1)=والسيل ذي من غر ديع من نسول

السيد:

ذي سرفوبك مايبونك تعتلي =وانته سمعت الناس ياصل الصلول
لنته معك شئ عقل ولا دائره = كانك مقاسم في عشانا والقيول

باسرده:

ياالسوق هذا كلما جاك اقبله= لا ترد عزاني ولاترد البقول
مانافي العصار ماباقاسمك=والسمن واقراص العسل ذي فالسفول

السيد:

حيًا مية يشهد علي رب السماء=العدل هذا وأنتبا خمسه عدول
لحم السمينه ذي حصل بالقسمه= والقلب والحلقوم للناس الحلول